Oromgohlarda profilaktik tadbirlar o‘tkazilmoqda

Ayni yoz chillasida farzandlarimiz oromgohlarda miriqib xordiq chiqarishmoqda. Shu o‘rinda ota-onalarning farzandlarining xavfsizligi biroz o‘ylantirishi ham bor gap. To‘g‘ri-da, tog‘li hududlarda, ayniqsa, cho‘milish havzalariga yaqin joylardagi oromgohlar kishini tashvishga solishi aniq.
Ayni jihatlarni hisobga olgan holda Uzun tumanida joylashgan ‘‘Janub gavhari’’ bolalar dam olish oromgohida “Mavsumiy sodir bo‘lish mumkin bo‘lgan favqulodda vaziyatlarning oldini olish va bunday vaziyatlarda to‘g‘ri harakatlanish” mavzusida o‘quv amaliy seminar o‘tkazildi. Seminar davomida bolajonlarga turli xil favqulodda vaziyatlar sodir bo‘lganda to‘g‘ri harakatlanish usullari o‘rgatildi.