“Axborot-kutubxona a’lochisi” ko‘krak nishoni topshirildi

Jizzax shahrida “Central Asia – 2024”: Fan, ta’lim, madaniyat va biznesda Internet va axborot-kutubxona resurslari” XVII Xalqaro konferensiyasi bo‘lib o‘tayotganidan xabardormiz.
Ushbu nufuzli konferensiya doirasida sohada samarali faoliyat olib borgan, ustoz-shogird an’analari bo‘yicha kadrlar tayyorlash va malakasini oshirishda jonbozlik ko‘rsatgan, aholi, shu jumladan, yosh kitobxonlarning ma’naviy-ma’rifiy salohiyatini oshirishda mehnatlari singan qator faol xodimlar “Axborot-kutubxona a’lochisi” ko‘krak nishoni hamda rag‘batlantiruvchi pul mukofoti bilan taqdirlandi.
Quvonarlisi, taqdirlanganlar orasida Boysun tuman Axborot-kutubxona markazi direktori Muhiddin ham bor. Albatta, bunday e’tirof va e’tibor, rag‘bat bejizga emasligini voha ahli, xususan boysunliklar juda yaxshi biladi. Jonkuyar rahbarning jonkuyarligi, tashabbuskorligi, yoshlar ma’naviyatini yuksaltirish yo‘lidagi xizmatlari tahsinga sazovor. E’tirof esa mehnatning besamar ketmay, munosib baholanganining bir ko‘rinishidir.