Morxo‘r bolasining hayoti asrab qolindi

“Surxon” davlat qo‘riqxonasida 194 turdagi hayvon, 807 turdagi o‘simlik mavjud ularni asrab-avaylash esa qo‘riqxona mas’ullari zimmasidadagi mas’uliyatli vazifadir. Ammo brokanerlarning, tabiiy ofat va hodisalar sabab noyob turlar qirilib ketish, yo‘q bo‘lib ketish xavfi ostida turibdi. Morxo‘r ham ayni shunday noyob tur hayvonlardan. Ayni mavsum esa morxo‘rlarning ko‘payish davri.
Afsuski, joriy yilning 22-aprel sanasida Ko‘hitang tog‘ tizmalarida kuchli yomg‘ir yog‘ishi oqibatida tug‘ilganiga taxminan ikki uch kun bo‘lgan O‘zbekiston Respublikasi Qizil Kitobiga kiritilgan Morxo‘r bolasi onasidan ajralib qoldi. Shunday vaziyatda “Surxon” davlat qo‘riqxonasi “Qizilolma” bo‘limida nazorat ishlarini olib borayotgan Tog‘aymurod Abdulaliyev morxo‘r bolasini soyda nochor ahvolda ko‘rib qolib, birinchi yordamni ko‘rsatdi. Morxo‘r bolasining hayotini saqlab qoldi.
Shundan so‘ng, ushbu morxo‘r bolasi veterinar ko‘rigidan o‘tkazilib, sog‘lom holatda ekani aniqlandi va barcha tegishli hujjatlar rasmiylashtirilib, Buxoro ixtisoslashtirilgan Jayron pitomnigiga parvarish qilish uchun topshirildi.