Hamkorlik muzokarasi o‘tkazildi

Surxondaryoda yagona bo‘lgan nodavlat oliygoh — Termiz iqtisodiyot va servis universitetida davlat universitetlaridan kam bo‘lmagan darajada ta’lim berilayotir. Yoshlarning o‘z mutaxassisliklari bo‘yicha bilim va tajribaga ega bo‘lishlari yo‘lida nafaqat viloyatning, balki respublikamizning tajribali professor o‘qituvchilari jalb qilinibgina qolmay, xalqaro oliygohlarning tajribali kadrlari jalb etilganki, talabalarning berilayotgan ta’limdan ko‘ngillari to‘lgan.
Universitet Toshkentdagi Britaniya konsulligi vakillari bilan o‘zaro hamkorlikni rivojlantirish bo‘yicha Zoom platformasi orqali olib brogan muzokaralar ham ayni malakali pedagoglarni jalb qilish xususida bo‘ldi. Muzokara davomida O‘zbekistondagi Britaniya konsulligi bilan hamkorlikni rivojlantirish, universitetda tashkil etilgan xorijiy tillarni o‘qitish markazida ingliz tilini o‘qitishni zamonaviy innovatsion pedagogik texnologiyalar asosida tashkil etish bo‘yicha hamkorlikda dasturlar ishlab chiqishga kelishib olindi.