HASHAR ELGA YARASHAR

Bahor kelishi bilan ekin-tikin, obodonlashtirish ishlari boshlab yuboriladi. Chor atrofimiz obod va fayzli, ko‘rkam bo‘lsa, ko‘nglimiz yorishadi, kayfiyatimiz ko‘tariladi. Albatta, Navro‘z bayrami oldi umumxalq hashari o‘tkazilishi ham bot-bot eslatilayotganiga qaramay, vohamiz ahli hashar kunini kutib o‘tirmay, allaqachon obodonlashtirish, ko‘kalamzorlashtirish ishlarini boshlab yuborishgan.
Denov tumani hokimi Ilhom Abrorov boshchiligida ham barcha mahallalar hududida umumxalq hashari tashkil etilmoqda. Hashar ishlariga tumandagi barcha korxona, tashkilot va muassasa ishchi-xodimlari, ko‘ngillilar ishtirok etib, tozalik, obodonchilik va qurilish ishlarida faollik ko‘rsatishayotir. Qolaversa, mevali va manzarali ko‘chatlar ekib, mehnatga hamdam bo‘lishayotir.