Oltin medalni qo‘lga kiritdi

Saudiya Arabistonining Ar-Riyod shahrida III Butunjahon jang san’ati o‘yinlari bo‘lib o‘tdi. Sportning bir qancha turlarini o‘zida jamlagan mazkur musobaqa murosasiz kurashlarga boy bo‘ldi. Kuchlilar, yuragida o‘ti bor yoshlar maydonga tushib, ona yurti sharafini munosib himoya qilish uchun kurashdi. Jarayonni kuzatish, dzyudo ixlosmandlari uchun ham maroqli kechdi.
Ular orasida Termiz davlat universiteti yuridik fakulteti talabasi Jahongir Mamaraximov ham bor edi. U tatamiga chiqib, raqiblariga qarshi mardonavor kurashdi. 14 mamlakatdan 83 nafar sportchi qatnashgan musobaqa bellashuvlarida Jahongir ham oltin medalni munosib tarzda zabt etdi.