DAVOMAT TADBIRLARI O‘TKAZILDI

Maktab ta’lim-tarbiya o‘chog‘i. Har bir o‘quvchining kunlik fanlarga oid bilimlarni o‘zlashtirishi uchun barcha shart-sharoit yaratilishi bilan birga, o‘qituvchi-pedagoglar vaqti, bilim va salohiyatini ayamayotgani o‘quvchilar uchun oddiy holdek tuyilishi mumkin, ammo, har bir kun, o‘tayotgan vaqt g‘animat. Oltinga teng vaqt va maktabdagi imkoniyatdan foydalanishni istamayotgan yoshlar esa pul to‘lab repititorga qatnab, o‘tkazib yuborilgan fanlarni, bilimlarni o‘rganishiga to‘g‘ri keladi. Xolbuki, har bir yosh o‘zi va o‘z kelajagi uchun o‘qib o‘rganadi, ta’lim-tarbiya oladi. Shunga qaramay, yoshlar taqdiriga befarq bo‘lmagan Surxondaryo viloyati Maktabgacha va maktab ta’limi boshqarmasi tomonidan tuzilgan ishchi guruhi a’zolari Termiz shahridagi 26 ta maktabning barchasida bo‘lib, o‘quvchilarning davomati, ta’lim muassasasiga maktab formasida kelishi, darslarning sifatli va o‘z vaqtida o‘tilishi bo‘yicha nazorat ishlarini olib borishdi.
Termiz shahrining 15-umumta’lim maktabida olib borilgan davomat tadbiri davomida xato va kamchiliklar aniqlandi. Holat yuzasidan mas’ullarga o‘quvchilarning darslarda to‘liq qatnashishi, yurish-turishiga jiddiy e’tibor qaratilishi bo‘yicha tushuntirish va ko‘rsatmalar berildi.