Tadbirkorik qilmoqchi bo‘lgan borki, bu borada undan oldin ish boshlaganlarning ishiga, fikri va suhbatlarini olishga qiziqadi. Bu yo‘lning boshida turgan yoshlarni ruhlantirishi, o‘zlariga va boshlayotgan ishiga nisbatan ishonch bag‘ishlashi aniq. Ayni maqsadda Surxondaryo viloyati hokimi tashabbusi bilan hududlarda muvaffaqiyatga erishgan tadbirkorlar bilan yoshlar uchrashuvi tashkil etilayotgani ham shundan.
Yurtboshimiz tomonidan “Kelajak bunyodkori” medali bilan taqdirlangan, Qiziriq tumani “Zartepa” mahallasida yashovchi tadbirkor Ulug‘bek Xushbaqov ham omadli va ishni ko‘zini biladigan tadbirkorlardan. Uning ish faoliyati bilan tanishish esa ko‘pchilikda qiziqish uyg‘otishi rost. Tadbirkorlikka qiziquvchi fuqarolar va yoshlarda yangi ko‘nikmalar hosil qilish maqsadida tumanda tadbirkor bilan uchrashuv tashkil etildi.
Tadbirkorlikka qiziqqan yoshlar ishtirokida o‘tkazilgan davra suhbatida tajribali va mas’uliyatli tadbirkor o‘zining mehnat faoliyati, erishgan yutuqlari va muvofaqqiyatga erishish yo‘lidagi qiyinchiliklari haqida so‘zlab berdi.
