Ilg‘or terimchilar taqdirlandi

Paxta yig‘im-terim mavsumi qizg‘in tus olgan. Dalalarda terimchilar shijoat bilan terimga kirishgan. Dala boshlarida uyilgan paxta xirmoni esa fikrimiz nechog‘lik to‘g‘ri ekanini isbotlaydi. Ba’zi tumanlar respublikada birinchilardan bo‘lib, paxta rejasini bajarib bo‘ldi. Bunda, albatta, terimchilarning, dalada mehnatini ayamagan dala mehnatkashlarining xizmatidir. Ularni munosib rag‘batlantirish, mehnatlarini e’tirof etish esa rejani muddatidan oldin bajarishga zamin hozirlaydi.
Ayni maqsadda Surxondaryo viloyati hokimi Ulug‘bek Qosimov Angor tumaniga tashrif buyurib, “Qoraqir tomchilari” fermer xo‘jaligining paxta dalasida yig‘im-terim ishlari bilan tanishdi. Viloyat rahbari g‘o‘za parvarishida mehnat qilgan mexanizatorlar, suvchilar va ilg‘or terimchilar bilan suhbatlashib, ularni rag‘batlantirish maqsadida sovg‘alar topshirdi.