Mashaqqatli bo‘lmasin…

“Obod xonadon”, “Obod ko‘cha” va “Obod mahalla” bo‘lishi uchun eng avvalo, mahallada barcha zaruriy infratuzilmalar yaxshilangan bo‘lmog‘i, aholi turmush-tarzi, yaxshi yashashi uchun zaruriy shart-sharoitlar yaratilishi lozim. Birinchi navbatda suv, elektr energiyasi va gaz ta’minotida muammo bo‘lmasligi shart. Boysun tumanidagi “Duoba” mahallasida ham “Obod xonadon”, “Obod ko‘cha” va “Obod mahalla” mezonlarini joriy etish bo‘yicha “Yo‘l xaritasi” da belgilangan me’zonlardan kelib chiqib, obodonlashtirish, ta’mirlash, bunyodkorlik ishlari amalga oshirilmoqda.
Ayniqsa, qanchalik mashaqqatli bo‘lmasin, “Hududgaz Surxondaryo” gaz ta’minoti “Boysun tumangaz” gaz filiali xodimlari tomonidan har qanday ob-havo sharoitida ushbu olis va tog‘li hududga o‘z vaqtida suyultirilgan gaz ballonlar yetkazib berish choralari ko‘rilmoqda. Bundan, albatta, duobaliklarning boshi osmonda.