MABLAG‘ TA’LIMGA YO‘NALSA…

“Yangi tahrirdagi O‘zbekiston Respublikasi Konstitutsiyasini amalga oshirish bo‘yicha birinchi navbatdagi chora-tadbirlar to‘g‘risida”gi Prezident farmoniga asosan, 2023-yil 1-avgustdan soliq to‘lovchilar tomonidan yoshidan qat’iy nazar farzandlarining O‘zbekiston Respublikasi ta’lim tashkilotlarida ta’lim olishlari uchun yo‘naltiriladigan to‘lovlar soliq solinmaydigan daromadlar toifasiga kiritilishi belgilandi.
Ushbu tartib ta’limning barcha bosqichlari — maktabgacha, maktab va oliy ta’lim tizimlariga joriy etiladi. Amaldagi soliq kodeksida bu masala bo‘yicha ayrim cheklovlar bor edi. Masalan, unda “26 yoshga to‘lmagan farzandlarining kontrakt to‘lovlarini to‘lagan shaxslar” deyilgan yosh chegaralari bor. Demak, endi ana shunday chegaralar bo‘lmaydi hamda qamrov kengayadi.