“Ibrat farzandlari” taqdim etadi

Qaysidir chet tillaridan birini o‘rganish uchun bugun maktab darsliklari bilan kifoyalanib bo‘lmaydi. Yoki falon so‘m to‘lab, repititorga borish ham shart emas. Shunchaki, internet tarmog‘ida joylanib, e’tiborimizga havola etilayotgan videodarslarni tinglab tomosha qilib ham til o‘rganish mumkin. Bunda shunchaki mas’uliyatni his etgan holda o‘qish va o‘rganishga yondashishning o‘zi kifoya.
Chet tillarini o‘rganish uchun ana shunday muhim qadam sifatida “Ibrat farzandlari” loyihasini e’tirof etib o‘tish mumkin. Loyiha doirasida maxsus mobil ilova — “Ibrat Academy” taqdim etilayotgan esa o‘rganuvchilar uchun muhim yangilik deyish mumkin.
Ilova yordamida o‘rganayotgan tilimiz bo‘yicha test ishlash, uyga vazifalar bajarish imkoniga ega bo‘lamiz. Tez orada ilovaga suniiy intellekt funksiyasi ham kiritiladi va foydalanuvchilar uchun qo‘shimcha qulayliklar yaratiladi. Natijada esa istagan yosh professional o‘qituvchilardan til o‘rganishi mumkin.