SURXONDARYO VILOYATIDA “ObodYurt” yoshlar chellenji

Obod yurtning fayzi, tarovati o‘zgacha bo‘ladi. Zotan, ozodalik, poklik, saranjomlik va sarishtalik yurtimizning yanada ko‘rkam bo‘lishiga zamin yaratadi. Bugun yurtimiz bo‘ylab yoshlar yetakchilari tashabbusi bilan “Obod yurt yoshlar chellenji” doirasida hashar tashkil etildi.
Erta tongdan Yoshlar ishlari agentligi Surxondaryo viloyati yoshlar ishlari boshqarmasi vakillari, yoshlar yetakchilari hamda ko‘ngilli yoshlar hashar ishlariga kirishib ketdilar. Ana shunday faollik natijasida hududdagi daraxtlar osti yumshatildi, ularga shakl berilib, oqlandi. Ariqlar tozalandi. Shuningdek, mahallada joylashgan qabriston hududida tozalash ishlarini olib borildi.
Ko‘p bilan boshlangan ishda unum bo‘ladi deganlaridek, birdamlikda, hamjihatlikda o‘tkazilgan hashar natijasida ko‘chalar toza va ozoda ko‘rinish kasb etdi. Ko‘rgan ko‘zni quvontirib, ko‘ngilga shodlik ulashdi.