ERTAKLAR – YAXSHILIKKA YETAKLAR

Haqiqatan ham “Ertaklar yashilikka yetaklaydi”. Ertak tinglagan bola yaxshilik, ezgulik doimo yomonlik, yozuvlik ustidan g‘alaba qozonishiga ishonadi. Ana shunday ezgu maqsadlar bilan ulg‘ayadi. Albatta, bolalar uchun ertaklar – bu rivojlanish va tajriba orttirish vositasi bo‘lib, fikrlash doirasini kengaytirish, ijobiy fazilatlarini rivojlantirib, mehnatsevarlik va dangasalik kabi xulq-atvorlarni farqlashni o‘rgatib, tasavvurlarni rivojlantirib boradi.
Termiz shahridagi 14-maktabgacha ta’lim tashkilotida “Ertaklar – yaxshilikka yetaklar” mavzusida tadbir tashkil etildi. Tadbir davomida turli ertaklar bolajonlar ijrosida sahnalashtirildi. Bu bolalarning vaqtlarini quvnoq va mazmunli o‘tkazishda xizmat qildi, deyish mumkin. Qolaversa, tomoshaga berilgan bolajonlar ham jonlanib, ertak qahramonlarini qarsaklari bilan qo‘llab-quvvatlab turdilar…