O‘zboshimchalar javobgarlikka tortildi

Date:

Tabiiy boyliklar va ne’matlarni vaqtida qadrlab asrash lozim. Aks holda global muammolarga yo‘l ochib, keyin dunyo minbarlarida turib bong urgan bilan foydasi bo‘lmaydi. Bunga ko‘plab misollar keltirish mumkin, ammo fuqarolar CH.N hamda X.Blar Termiz tumani “Qoraxon” mahallasi hududidan oqib o‘tuvchi “Surxon” daryosining muhofaza hududida o‘z manfaatlarini o‘ylab, qishloq xo‘jaligi ekinlarini ekib olaverishdi. Ular aslo tabiiy tiklanish choralarini ko‘rishmadi, natijada esa daryoning muhofaza zonasi yemirilishiga sabab bo‘lishdi.
Holat jiddiy oqibatlarga olib kelishi hech gap emas, yaxshiyamki, Termiz tuman bo‘limi davlat inspektorlari tomonidan o‘tkazilgan reyd tadbirlari davomida ushbu holtning “misi” chiqdi. Kech bo‘lsa-da, bunday xatti-harakatlarning oqibatlari fuqarolarga tushuntirildi va holat yuzasidan ularning har biriga nisbatan O‘zbekiston Respublikasi Ma’muriy javobgarlik to‘g‘risidagi kodeksning 82-moddasi 2-qismi bilan ma’muriy bayonnoma rasmiylashtirilib, BHMning 3 million 300 so‘mdan jami 6 million 600 ming so‘m ma’muriy jarima qo‘llanildi.
Umid qilamizki, olib borilgan tushuntirish ishlari va qo‘llanilgan jazo chorasi ularga saboq bo‘ladi va tabiatga qayta bunday zarar yetkazishmaydi.

H.Baxtiyorova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Halollik standarti joriy etiladimi?

Korrupsiya har doim to‘xtaladigan va sarlavhasini ko‘rgandayoq ensa qotadigan...

Imkoniyati sinovdan o‘tdi

Mamlakatimizda fuqarolar tili, millati, irqi, ijtimoiy kelib chiqishidan qat’i...

Tezkor choralar ko‘rish uchun…

Tabiiy ofatlar so‘rab kelmaydi. Shunday ekan, har birimiz ogoh...

Iqtidorlar kashf etildi

"Turon" maktab teatri respublika tanloviga start berilgani maktabdagi iqtidorli,...
KunTun
KunTun