Sherobodliklar bugun ikki karra shodlanib, o‘zlari yashayotgan hududdagi o‘zgarish va yangilanishlar, tashabbuslar epkinidan mamnun bo‘lishdi. Tumanning “Chorbog‘” mahallasidagi “Sherobod shifo maskani” MChJga qarashli odamlar dardiga shifo bo‘ladigan 70 o‘rinli klinikaning foydalanishga topshirilishidan bir quvonishgan bo‘lsa, tadbir davomida 250 o‘rinli klinika binosining qurilishi boshlanishi haqidagi xabarlar esa qo‘shimcha bo‘ldi.
Hushxabar va tashabbuslarning daragi bu bilan tugamadi. Ayni shu kuni “Xo‘jaikon tuz koni” MChJ tomonidan barpo etiladigan osh tuzi qadoqlash zavodining qurilish ishlari boshlab yuborildi. Surxondaryo viloyat hokimi ushbu tadbirlarda ishtirok etib, sherobodliklar xursandchiligiga sherik bo‘ldi.
Aytish kerakki, umumiy qiymati 25 milliard so‘m bo‘lgan mazkur loyiha doirasida yodlangan osh tuzi ishlab chiqarish korxonasi bilan birga tuz g‘ori negizida zamonaviy sanatoriya ham tashkil etiladi. Bu esa 1 000 ta yangi ish o‘rni yaratishga imkon tug‘diradi.
Sohibjamol
