“Kutubxona” foydalanishga topshirildi

Kitobning qiymatini-yu qadrini bugungi kitobxon yaxshi biladi. Ayni shuning uchun ham o‘qishni, uqishni kanda qilmaydi. Albatta, kitob bilan kitobning, asar bilan asarning katta farqi bor. Buning-da farqi yaxshi anglashiladigan, munosib tanlov qilinadigan zamonda, makonda yashayapmiz. Shuning uchun ham o‘quvchimizmi, talaba yoki ishchi-xodim, xullas kim bo‘lishimizdan, qanday sohada faoliyat yuritishimizdan qat’iy nazar sevimli mashg‘ulotimiz mutolaaga aylanib ulgurgan.
Qumqo‘rg‘on tumani Ichki ishlar bo‘limi binosida ham kutubxona tashkil etish zaruratga aylandi. Xodimlar o‘zlari sevgan asaralarini kutibxonama-kutubxona, kitob do‘konida sarson bo‘lib qidirib, vaqt ketkazganidan ko‘ra o‘zlari ishlayotgan binoda kutubxona bo‘lsa yomonmi? Ayni shu maqsadda tuman ichki ishlar bo‘limi binosida yangi “Kutubxona” tashkil etildi.
Kutubxonaning ochilish marosimi esa u yerda ishlovchi barcha uchun kutilmagan tuhfa bo‘ldi. Aytish kerakki, yangi tashkil etilgan ziyo maskanida 500 dan ortiq o‘zbek va jahon adabiyotining eng sara kitoblari joy olgan bo‘lib, har bir xodim o‘z xizmat vazifasi bilan birgalikda kitoblar mutolaa qilishga mehr qo‘yishlari bilan o‘zlarining dunyoqarashlarini yanada boyitishga xizmat qiladi.