Unutilmas uchrashuv

General bo‘lishni orzu qilmagan askar — askar emas deyishadi. Haqiqatan ham er yigitlarimiz bolalikdanoq harbiy bo‘lishni, harbiylik libosini kiyishni bolalikdan orzu qilishadi. Bu orzu harbiy xizmatga ketguncha amalga oshadi dersiz. Yo‘q, bugungi zamon bolalari bu qadar uzoq kutishmaydi, maktab ta’limi davridayoq yoslarni vatanparvarlik ruhida tarbiyalashni ko‘zlovchi harbiy maktablar faoliyat yuritmoqdaki, yoshlarimiz egniga harbiylik libosini kiyib, harbiy xizmatdan kam bo‘lmagan shart-sharoitlarda o‘qib-o‘rganishayotgani tahsil olguvchi o‘quvchi-yoshlar qatori, ularning ota-onasini-da birdek quvontiradi, qalbini g‘urur-iftixorga to‘ldiradi.
Janubi-g‘arbiy maxsus harbiy okrug Termiz garnizonida joylashgan harbiy qismlarning birida tashkil etilgan “Jasorat maktabi”da tarbiyalanayotgan yoshlar bilan uchrashuv o‘tkazildi.
Ochiq va samimiy ruhda kechgan uchrashuvda yigitlar oʻzlarini qiziqtirgan savollarga Termiz harbiy prokurori adliya polkovnigi Sherzod Mirzayevdan batafsil javoblar oldi.
Aytish kerakki, yoshlar mazkur o‘quv yig‘ini davomida yaratilayotgan sharoit va imkoniyatlarga javoban yurt tinchligi va ravnaqi yoʻlida daxldorligini oshirib, mashgʻulotlarni mukammal egallashga hamda ertangi kunda mustaqil hayotga dadil qadam tashlashga o‘rganayotir.