Otalar…

Pul tejash maqsadida uyiga piyoda kelayotgan otaning yo‘lini yupun kiyingan bir bolakay to‘sdi:
— Amakijon, qornim juda och, ota-onasi yo‘q yetimga rahm qilib non uchun pul bering!
Ota o‘z bolalariga shirinlik olib borish va’dasi nega bajarilmaganini qanday tushuntirish haqida o‘ylab borar, ko‘prik tagidan esa “yetim” bolaning yelkasiga urib maqtayotgan odamning ovozi aks sado berardi:
— Barakalla, bolam, barakalla! Hozir onang kelsa, birga ketamiz.

Arjumandbegim