Yurtimizda yo‘tal siroplarini ichish natijasida bolalar o‘limi kuzatilgandan buyon har bir ota-ona avvalo farzandini betob qilmaslik choralarini ko‘radigan bo‘lib qoldi. Bordi-yu shamollatib qo‘ysak ham o‘zboshimcha davolashni to‘xtatdik. Shifokor tavsiyasi bilan yoziladigan dori-darmonlarni olishga ham cho‘chib qoldik.
Yurtimizda, ayniqsa, Hindiston davlatidan chiquvchi ba’zi dori ishlab chiqaruvchi korxonalarining dori vositalarini sotib olish to‘xtatilgani, xavfli dori-darmonlar dorixonalardan olib tashlangani ana shu qo‘rquv va sarosimamizni biroz tarqatgandek bo‘ldi. Boshqa tomondan dori ishlab chiqarishga biznes sifatida qaraydigan ana shunday korxonalar uchun bunday holat yaxshigina zarba bo‘lib, faoliyatiga salbiy ta’sir qilmay qolmaydi. Mana shunday holatning oldini olish maqsadida Hindiston yo‘tal siroplari, shu jumladan eksport uchun mo‘ljallangan mahsulotlar sifatini majburiy nazorat qilishni joriy qilmoqchi. Gambiya va O‘zbekistonda Hindistonda ishlab chiqarilgan dori-darmonlarni qabul qilgan o‘nlab bolalar o‘limidan so‘ng rasmiylar ayni shunday qarorga kelgan.
Sifatni majburiy nazorat qilishar, zaruriy tekshiruvlardan o‘tkazishar, ammo o‘tgan voqealardan keyin ana shu nomdagi dori vositalarini kim ham farzandinining shirin jonini garovga qo‘yib xarid qiladi… bunisi esa vaqt ko‘rsatadi
S.Murodova
