Har kuni iftorlik…

Date:

Ramazon xayr-u barokat oyidir. Barcha yaxshiliklar, ezgu amallarimiz bu oyda savoblarimizni o‘n karra ko‘paytirishga xizmat qiladi. Ayniqsa, yo‘qsillar holidan xabar olib, kemtik ko‘ngillarga saxovat ulashish, shod etish eng yaxshi amaldir. Prezidentimizning Surxondaryo viloyatiga tashrifi chog‘ida o‘ttiz kunlik Ramazon oyida eng og‘ir mahallalarda kam taʼminlanganlarni taklif qilib, iftorlik o‘tkazish, ko‘ngli o‘ksik, mo‘min-musulmonlarni og‘irini yengil qilish tashabbusini ilgari surib, bu borada diniy soha vakillariga o‘z tavsiyalarini bergan edi.

Ana shu tavsiyalarning amaliy ko‘rinishi esa har kuni vohamizning har bir hududida tashkil etilib, yuzlab, minglab ro‘zadorlarning ko‘nglini nurafshon etayotir. Ramazon oyining ilk kunidan boshlab Termiz shahri va tumanlardagi to‘yxonalar, xonadonlarda nuroniy otaxon va onaxonlar, ro‘zadorlar ishtirokida iftorliklar o‘tkazib kelinmoqda.
Ana shunday saxovat tadbirlarining navbatdagisi Termiz shahri “Baynalminal” mahallasidagi oilalarning birida o‘tkazilgan bo‘lsa, Sherobod tumanidagi mahallalardagi xonadonlarda ham jami 600 nafardan ortiq ro‘zadorlar uchun iftorlik dasturxoni yozildi.
Iftorliklarda jonliqlar so‘yilib, imomlar tomonidan Qurʼon tilovat qilindi. Yakunda shunday muborak oyda yurtimizga tinchlik, osoyishtalik, Vatanimiz obodligi va oilalar faravonligini so‘rab duo qilindi. Bu kabi xayrli ishlar Ramazon oyi oxiriga qadar davom etadi…

S.Murodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Istiqbolli loyihalardan tomonlar manfaatdor

Surxondaryo kundan kunga chiroy ochib, obod ko‘rinish kasb etmoqda....

Jalinga interaktiv studiyasi ish boshladi

Bugun ijtimoiy tarmoqlar, media mahsulotlari tayyorlar, shu yo‘nalishda ijod...

… foydalanishga topshirildi

Tibbiyot sohasiga qaratilayotgan e’tibor negizida xalq salomatlgini asrash yotadi....

Taktik mashg‘ulotlar o‘tkazildi

Qurbon hayiti bayramiga ham sanoqli kunlar qoldi. Qutlug‘ sanani...
KunTun
KunTun