Til bilishning foydali va imtiyozli jihatlari talaygina. Ayniqsa, xorijiy tillarni bilish darajasini belgilovchi sertifikatlar faqat oliy ta’limga va undan keyingi bosqichlarda o‘qishga kirishga kerak bo‘ladi, xolos deydiganlar qattiq yanglishadi. Qonunchilikka ko‘ra, xorijiy tillardan milliy va xalqaro sertifikatga ega davlat boshqaruv idoralarining barcha bo‘g‘inlari xodimlarining lavozim maoshiga nisbatan 20 foizgacha qo‘shimcha ustama berish tartibi joriy etilgan (https://lex.uz/docs/5426736).
Shuningdek, taʼlim muassasalarining kamida S1 darajadagi milliy yoki xalqaro tan olingan sertifikatga ega xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida qo‘shimcha ustama haqi to‘lab beriladi. Bu esa mashaqqat ila til o‘rganganlar mehnatining mevasi deyish mumkin. Qolaversa, oylik maoshini oshirishning eng yaxshi va eng maqbul yechimi bo‘lib xizmat qilayotir.
Surxontongi.uz
