Mazmunli dam, mehnatga hamdam deya bejizga aytilmagan. To‘g‘ri-da, haftani charchoqlar ila boshlasangiz, ishlashga hafsala bo‘lmaydi. Ish unumidan esa umidni uzgan afzal. Angor tumanidagi “Baraka savdo” majmuasida “Yangi Oʻzbekistonda el aziz, inson aziz!” shiori ostida galakonsert dasturi boʻlib oʻtdi.
Tuman hokimligi, Madaniyat va turizm boʻlimi hamda Maʼnaviyat va maʼrifat boʻlimi hamkorligida tashkil etilgan bayram tadbirida Toshkent shahridan shuningdek, viloyatimizdan iste’dodli sanʼatkorlar tashrif buyurishdi. O‘zlarining sehrli xonishlari, dilrabo kuy-qo‘shiqlari bilan angorliklar ko‘nglidan joy olishdi.
Barcha sho‘x-shodon qo‘shiqlarga raqsga tushdilar, san’atkorlarga jo‘r bo‘lib, birgalikda kuyladilar. Dam olish kunida uyushtirilgan konsert dasturi kayfiyatlarni ko‘tardi. Mazmunli xordiq chiqarishga xizmat qildi. Ishonamizki, ana shunday xordiq chiqargan angorliklarning ish kuni ham yuqori kayfiyatda boshlanadi. Ayni shunday konsert dasturlari esa vohaning barcha shahar va tumanlarida bo‘lib o‘tayotir.
S.Murodova
