Termiz shahrini suv bilan taʼminlovchi inshoot hududi kattagina maydonni tashkil etadi. Ayni paytda kaftdekkina yeridan ham mo‘l-ko‘l hosil olib, yaxshigina daromad ko‘rilayotgan bir paytda afsuski, bu maydondan foydalanilmayotgani ayanchli. Qolaversa, hududda obodonlashtirish va ko‘kalamzorlashtirish ishlari ham olib borilmagan. Aslida inson qadami yetgan joy gul-u bo‘ston bo‘lishi, obod manzilga aylanishi lozim. Ana shundagina qut-baraka, fayz bo‘ladi. Inshoot mas’ullari va xodimlari esa e’tiborsizlikka yo‘l qo‘yishgani, yer maydonlaridan unumli foydalanmaytgani isrofgarchilikdan boshqa narsa emas.
Viloyat hokimi Ulug‘bek Qosimov Termiz shahrini ichimlik suvi bilan taʼminlovchi inshoot hududini ko‘zdan kechirar ekan, ko‘zga tashlangan mana shunday holatni qattiq tanqid ostiga oldi. Masʼullarga 10 kun muddatda hududni to‘liq obodonlashtirish, tozalash, mevali va manzarali daraxt ko‘chatlari yetishtirishni yo‘lga qo‘yish bo‘yicha vazifalar yukladi.
S.Davlatova
