Xalq qabullariga kelib, ish bilan ta’minlashlarini so‘rab kelguvchilarning ko‘plab topiladi. Ba’zida murojaatlarning yechimi bilan qiziqib, murojaatchilar bilan aloqaga chiqqanimizda taklif etilgan ish manzur bo‘lmagani sabab rad etganini, hali-hamon ishsiz ekanini aytib, norozichilik bildirishadi. Xolbuki, hech qanday ma’lumotga ega emas fuqarolarga maoshi ularni qoniqtiradigan ishni topib berish oson emas. Aslida ishlayman degan bahona qidirmaydi.
Haqiqatda ishga muhtojligi borlar esa boriga qanoat qilib, o‘zini mehnatga uradi. Surxondaryo viloyat hokimi Ulug‘bek Qosimov Denov tumanida yashovchi ish bilan bandligi taʼminlanmagan 400 nafar fuqaroning ish bilan ta’minlashi masalasi yuzasidan mas’ullarga kerakli topshiriqni bergan edi.
Denov tumanida olib borilayotgan obodonlashtirish ishlari esa ko‘plab mehnatkashlarni talab etadi. Mana shunday ko‘kalamzorlashtirish ishlarini olib borish uchun 400 nafar ishsiz ishga qabul qilindi. Belni mahkam bog‘lab, joylarda o‘z ishlarini boshlab yuborishgan. Muhimi ular doimiy ish o‘rni va har oy keladigan oylik-maoshiga ega bo‘lishganidan mamnun.
Sohibjamol
