Kamtarona dasturxon yozildi

Date:

Erta tongdan mahallangiz hududida o‘choq-qozon tayyorlab, chodir tikishsa, hayron qolmang. Sovuq ob-havo hukronlik qilayotgan mana shunday kunlarda harbiy xizmatchilar xalq kayfiyatini ko‘tarish, issiq ovqat ulashishdek savobli ishni boshlab yuborishgan. Birgina shirin so‘z ila kayfiyati ko‘tariladigan o‘zbek xalqiga kamtarona dasturxon yozib, issiq taomlar va ichimliklar tortiq etishayotir.

Janubi-gʻarbiy maxsus harbiy okrug Janubiy operativ qo‘mondonligi tasarrufidagi Sariosiyo garnizonida joylashgan harbiy qism tomonidan tashkil etilayotgan mazkur ezgu ishlarning navbatdagi manzili Sariosiyo tumanining “Afrosiyob” mahalla fuqorolar yigʻini boʻldi. Erta tongdan mahalla hududida ish boshlagan vatan himoyachilari tez fursatda ikkita chodir tiklab, 120 oʻrinli joy hozirlashdi. Dala oshxonalari yoyilib, o‘choqda o‘tin qaladilar. Palovxonto‘rani obitobiga keltirib pishirdilar. Mazali jizbiz hidi dimog‘iga urilgan borki, tayyorgarlik avjida bo‘layotgan tomonga oshiqishdi.
Qo‘llarini ko‘ksiga qo‘yib, kelganlarni yorug‘ chehra ila dasturxonga chorlayotgan harbiy xizmatchilar mehmonlar xizmatida bo‘lishdi. Ha aytgancha, mana shunday mehmonnavozlikka kela olmagan nogironligi bor insonlar ham e’tibordan chetda qolmadi. Savob ishni boshlaganlar ana shunday insonlar uyiga borib yo‘qlandi. Hol-ahvol so‘rash bahonasida issiq taom va sarxil ne’matlar ulashildi. Qolaversa, yoʻllarni qor va muzdan tozalab berayotgan zahmatkash xizmatchilar ham yoddan ko‘tarilmadi.

S.Normurodova

Xabarni ulashish:

Obuna bo‘ling

Dolzarb xabarlar

Tavsiya qilamiz
Related

Delegatsiyamiz “TTG Rimini” ko‘rgazmasida

Italiyaning Rimini shahrida bo‘lib o‘tgan “TTG Rimini” xalqaro turizm...

Oila va mahalla qadriyatlariga bag‘ishlandi

Prezident topshiriqlaridan kelib chiqib, Denov tumanida mahalla va oilaviy...

Talabalar osh damladi

Termiz davlat pedagogika instituti talabalari bo‘sh vaqtini mazmunli o‘tkazish...

Pedagogik mahorat — hududiy taraqqiyot garovi

Termiz davlat pedagogika institutida “Uzluksiz taʼlim tizimida, hududlarning ijtimoiy-iqtisodiy...
KunTun
KunTun