Yurtimizda maktabgacha bo‘lgan yoshdagi barcha bolalar 100 foiz bog‘chaga borishi shart. Bu bo‘yicha amalga oshirilgan ishlar natijasida ko‘rsatkichlar yuqorilab borayotir.
Sherobod tumani “Oyinli” mahallasida 17-sonli davlat maktabgacha ta’lim tashkiloti foydalishga topshirildi. Ushbu 90 o‘rinli tashkilot “Obod qishloq” dasturi asosida 2 810 million so‘m mablag‘ hisobidan kapital rekonstruksiya qilindi. Maskanda 3 ta uzaytirilgan va 2 ta qisqa guruhlar uchun mo‘ljallangan keng va yorug‘ xonalar zarur mebellar bilan jihozlangan. Zamonaviy musiqa xonasi, shinam yotoqxona, oshxona va yozgi ayvonchalar bolajonlar uchun xizmatga shay.
Ochilish marosimi katta shodiyonaga aylanib ketdi. Tadbir so‘ngida boshqarma boshlig‘i Sh.Xolliyeva hamda bo‘lim mudiri rahbarligida tumandagi barcha davlat maktabgacha ta’lim tashkiloti direktorlari ishtirokida qamrov darajasini oshirish, ta’lim-tarbiya sifatiga alohida e’tibor qaratish lozimligi shuningdek, tizimda mavjud muammolar yuzasidan yig‘ilish o‘tkazildi.
S.Normurodova
