Sanoat ko‘miri qazib olinmoqda

“Qish g‘amini yozda ye” deyishganidek, ayni hozirdan o‘tinni, ko‘mirni va boshqa kerakli mahsulotlarni g‘amlaymiz. Ayniqsa, ko‘mir qishloqlarda yashaydiganlar uchun eng kerakli va zaruratga aylanadigan vosita. Ko‘mir ko‘p bo‘lsa, narxi arzon bo‘ladi. Ya’ni o‘zimizga qazib olinishi sifatli ko‘mirga bo‘lgan ehtiyojni ham qondiradi.
Shu ma’noda Oltinsoy tumanining tog‘li hududlarida “Turon eko ko‘mir” MChJ tomonidan umumiy maydoni 205 gektar bo‘lgan, yiliga 360 ming tonna ko‘mir qazib olish quvvatiga ega yirik loyiha amalga oshirilayotir. Ushbu loyihaning umumiy qiymati 595 milliard so‘mni tashkil etadi va to‘liq quvvatda ishga tushirilgach, mingta ish o‘rni yaratiladi.
Tadbirkor tomonidan umumfoydalanuvdagi yo‘llarga og‘ir texnikalarning ziyon yetkazmasligi uchun konga olib boradigan alohida yo‘l qurilmoqda. Hududda amalga oshirilayotgan ishlar, infratuzilmani yaratish tadbirlari, loyihani belgilangan muddatda ishga tushirish, rejalashtirilgan ish o‘rinlarini to‘liq yaratish chora-tadbirlari aniq belgilab olingan holda ishlar tashkil etilgan.