Ayni yoz chillasida ko‘chaga chiqqudek bo‘lsak, zumda chanqoqlik sezamiz. Shunday paytda yon atrofimizdan yaxna ichimliklar qidirishga tushamiz. Talabimizga ravishda esa turi xiLdagi chanqoqbosti ichimliklar taklif etiladi. Ayniqsa, bu ichimliklar o‘zimizda, tadbirkorlarimiz tomonidan ishlab chiqarilayotgani kishini quvontirmay qolmaydi.
Sho‘rchi tumanining “Tamaddun” mahallasida faoliyatini boshlagan “Sho‘rchi taraqqiyot” mas’uliyati cheklangan jamiyati tomonidan ana shunday 5 turdagi sifatli ichimlik suvlari tayyorlanmoqda. Shohjahon Xo‘jamshukurov rahbarlik qilayotgan korxona uchun zarur bo‘ladigan zamoanviy texnologiyalar esa Korea davlatidan olib kelingan.
Korxonada kun davomida ish qizg‘in. 10 nafar xodim mehnat qilib, aholiga sifatli va chanqoqbosti ichimliklarni ishlab chiqarib, qadoqlab kelmoqda. Tadbirkorning esa kelgusidagi rejalari katta. Qisqa davr ichida u ishchi-xodimlar sonini 51 nafarga yetkazib, mahsulotlarini eksport qilishni niyat qilgan.
Hilol
