Tartib o‘zgardi

Qachonlardir O‘zbekiston fuqaroligiga kirish masalasi anchayin qiyin bo‘lgan bo‘lsa, ayni paytda yurtimizda muqim yashab qolgan boshqa davlat fuqarolarining bu borada muammosi yo‘q. Ammo, hukumatning tegishli qarori bilan O‘zbekiston fuqaroligini qabul qilishda davlat tilini bilish darajasini aniqlash tartibi to‘g‘risidagi nizomga o‘zgartirishlar kiritildi.
Kiritilgan o‘zgartirishlar chet elliklar va fuqaroligi bo‘lmagan shaxslarga fuqarolikni olishda davlat tilini bilish darajasini aniqlash uchun davlat xizmatlari markazlari yoki YAIDXP orqali murojaat qilish imkoniyati yaratildi. Xolbuki, murojaatchilar hududiy imtihon komissiyasining davlat tilini bilish darajasini aniqlash bo‘yicha qaroridan norozi bo‘lgan taqdirda apellyatsiya shikoyati berishi mumkin.
Apellyatsiya imtihon natijalari e’lon qilingan kundan boshlab 5 ish kuni ichida davlat xizmatlari markazlari yoki YAIDXP orqali beriladi. Bunday holda, imtihon natijalari e’lon qilingan kundan boshlab, 10 kun ichida apellyatsiya imtihoni o‘tkaziladi, natijada sinov imtihoni natijalarini o‘zgarishsiz qoldirish va apellyatsiyaning qondirilishini rad etish, sinov imtihoni natijalarini o‘zgartirish va apellyatsiyani qondirish yoki sinov imtihoni natijalarini bekor qilish va takroriy sinov imtihoni o‘tkazilishini tayinlash qarorlaridan biri qabul qilinadi.