Viloyat chempionatida…

Har bir sport turining o‘z qoida va usullari bo‘ladi. Ana shu tartib-taomillarga rioya etgan, uni o‘rgangan sportchigina yengilmasligi aniq. O‘zbekiston Respublikasi Prezidentining “Qo‘l jangi sport turini rivojlantirish chora tadbirlari to‘g‘risida”gi 2022-yil 20-iyun kunidagi PQ-287-sonli qarorining ijrosini ta’minlash maqsadida Boysun tumanida 2008-2009- hamda 2006-2007-yillarda tug‘ilgan o‘g‘il va qiz bolalar o‘rtasida qo‘l jangi sport turi bo‘yicha tashkil etilgan viloyat chempionati musobaqasida ishtirokchilar qo‘l jangida o‘rgangan ana shu usullarga oid mahoratlarini ishga soldilar.
Musobaqa ko‘tarinki ruhda o‘tkazildi. Jangga chiqqan raqiblar o‘z mahoratlarini ishga soldilar. O‘zaro kurashib, g‘oliblik uchun sinashdilar. Yakunda esa g‘olib va sovrindor bo‘lgan sportchilar tuman sektor rahbarlari tomonidan munosib taqdirlandi.