Bugungi kunda kutubxonalar jamiyatning ma’naviy va intellektual taraqqiyotida muhim o‘rin tutadi. Ilgari kutubxona asosan kitob saqlash va ularni kitobxonlarga berish vazifasini bajargan bo‘lsa, hozirgi davrda u axborot markazi sifatida faoliyat yuritmoqda. Zamonaviy kutubxona va kitobxon o‘rtasidagi munosabatlar ham yangi bosqichga ko‘tarilib, axborot texnologiyalari asosida rivojlanmoqda.
Kutubxona va kitobxon munosabatlarida muloqot va hamkorlik muhim ahamiyatga ega. Kutubxonalar turli ma’rifiy tadbirlar, kitob taqdimotlari, adabiy kechalar va seminarlar orqali kitobxonlarni jalb etadi. Bu esa kitobxonlik madaniyatini shakllantirish va rivojlantirishga xizmat qiladi. Shuningdek, kutubxonalarda foydalanuvchilarga qulay sharoit yaratish, zamonaviy axborot texnologiyalaridan foydalanish va elektron xizmatlarni rivojlantirish kitobxonlar sonining ortishiga sabab bo‘lmoqda.
Axborot texnologiyalari rivojlanishi kitobxonlarga keng imkoniyatlar yaratib bermoqda. Kelajakda kutubxonalar faoliyatini yanada takomillashtirish, elektron resurslarni ko‘paytirish va kitobxonlarga qulay xizmatlar ko‘rsatish muhim vazifalardan biri bo‘lib qoladi.
Gulchehra Aminova,
Adib Sobir Termiziy nomidagi viloyat Axborot-kutubxona markazi Aboniment sektor mudiri
