Respublika turizm qo‘mitasi tashabbusi bilan Oltinsoy tumani aholisi uchun muborak Ramazon oyi munosabati bilan iftorlik tadbiri o‘tkazildi.
Tadbir davomida fidokorona mehnat qilayotgan yurtdoshlar e’tirof etilib, ularga samimiy tilaklar bildirildi. Dasturxon atrofida jam bo‘lganlar yurt tinchligi, xalq farovonligi va ezgu amallarning bardavom bo‘lishini so‘rab duolar qildilar.
Mazkur tashabbus Ramazon oyining mehr-oqibat, hamjihatlik va bag‘rikenglik ruhini yanada mustahkamlash, jamiyatda o‘zaro hurmat va e’tibor muhitini kuchaytirishga xizmat qilmoqda.
