Pro liga debyutanti TerDU futbol klubi Toshkentdagi o‘quv-mashg‘ulot yig‘ini doirasida muhim sinovdan muvaffaqiyatli o‘tdi.
Eldor Boymatov boshchiligidagi jamoa nazorat uchrashuvida Superliga vakili Qo‘qon-1912ni 1:0 hisobida mag‘lub etdi. Uchrashuvdagi yagona golga Diyor Rashidov mualliflik qildi.
Mazkur g‘alaba TerDU jamoasining Pro ligadagi ilk mavsum oldidan jismoniy va taktik tayyorgarligi yuqori ekanini ko‘rsatib, muxlislar uchun katta ishonch bag‘ishladi.

