Janubi-g‘arbiy maxsus harbiy okrug tasarrufidagi harbiy qismda yangi qurilgan binolar foydalanishga topshirildi. Tadbirda qo‘mondonlik rahbariyati, soha faxriylari va harbiy xizmatchilar ishtirok etdi.
Yangi inshootlar zamonaviy o‘quv xonalari, ilg‘or trenajyorlar bilan jihozlangan mashg‘ulot maydonlari, qulay yotoqxonalar hamda boshqaruv va shtab xonalarini o‘z ichiga oladi. Barcha obyektlar zamonaviy axborot-kommunikatsiya vositalari bilan ta’minlangan.
Mazkur shart-sharoitlar harbiy xizmatchilarning kasbiy mahoratini oshirish, jangovar shaylikni mustahkamlash va xizmat samaradorligini yuksaltirishga xizmat qiladi. Bu esa mamlakatimiz mudofaa tizimida olib borilayotgan izchil islohotlarning amaliy natijasidir.
