Sariosiyo tumani hokimi Odiljon Yaqubov tegishli mutasaddilar bilan birgalikda tuman markazidagi Abdulla Qahhor ko‘chasida olib borilayotgan obodonlashtirish ishlari bilan tanishdi. O‘rganish jarayonida noqonuniy qurilmalarni bartaraf etish, ko‘chani tartibga keltirish hamda piyodalar va transport harakati uchun qulay sharoit yaratish masalalariga alohida e’tibor qaratildi.
Shuningdek, Sariosiyo dehqon bozori infratuzilmasini rivojlantirish bo‘yicha amalga oshirilayotgan ishlar ham ko‘zdan kechirildi. Tashrif davomida mavjud kamchiliklarni bartaraf etish va belgilangan vazifalarni samarali tashkil etish yuzasidan mas’ullarga aniq topshiriqlar berildi.
Mazkur chora-tadbirlar tuman markazi va bozor hududini yanada obod qilish, aholiga qulay, xavfsiz va zamonaviy muhit yaratishga qaratilgan.
