Surxondaryo viloyatida Mudofaa vazirligi va Viloyat kasbiy ta’lim boshqarmasi o‘rtasida hamkorlik memorandumi imzolandi. Mazkur kelishuv muddatli harbiy xizmatni o‘tayotgan askarlarni amaliy kasblarga o‘qitish, axborot texnologiyalari va kasb-hunar ko‘nikmalarini oshirish, shuningdek, xizmatdan so‘ng jamiyatda munosib o‘rin egallashini ta’minlashga qaratilgan.
Harbiy xizmatchilar “Axborot texnologiyalari”, “Payvandlash ishlari” va “Chilangarlik ishlari” bo‘yicha ikki oylik kurslardan o‘tadi. Ushbu tashabbus yoshlarni malakali, raqobatbardosh va vatanparvar kadrlar sifatida shakllanishiga xizmat qiladi.
