Denov tumani hokimi Anvar Normamatov tomonidan “Cho‘ntosh” mahallasida amalga oshirilayotgan iqtisodiy loyihalar holati bilan tanishildi. Xususan, “Cho‘ntosh Agro Export” MCHJ tomonidan mahallada yetishtirilgan qishloq xo‘jaligi mahsulotlarini eksport qilish ishlari yo‘lga qo‘yildi. Mazkur tashabbus natijasida mahalladagi 15 nafar ishsiz fuqaroning bandligi ta’minlandi.
Ushbu loyiha mahalliy mahsulotlarni tashqi bozorlarga chiqarish, tadbirkorlik faoliyatini rivojlantirish hamda aholi bandligini oshirishga xizmat qilmoqda. Kelgusida eksport hajmini kengaytirish va qo‘shimcha ish o‘rinlari yaratish rejalashtirilgan.
