Qish mavsumini talafotsiz o‘tkazish, aholi hayoti va mol-mulki xavfsizligini ta’minlash, shuningdek, favqulodda vaziyatlarning oldini olish maqsadida Surxondaryo viloyatida “Xavfsiz xonadon oyligi” doirasida navbatdagi tadbir tashkil etildi.
Tadbirda viloyat hokimligi, viloyat Favqulodda vaziyatlar boshqarmasi, shuningdek, boshqa kuch tuzilmalari va kommunal soha tashkilotlari mas’ullari ishtirok etdi. Hamkor tashkilotlar bilan birgalikda “Zoom” platformasi orqali o‘tkazilgan saf ko‘rigida qish mavsumida yuzaga kelishi mumkin bo‘lgan xavf-xatarlar va ularning oldini olish bo‘yicha amaliy chora-tadbirlar muhokama qilindi.
Jumladan, aholi xonadonlarida xavfsizlik choralarini kuchaytirish, isitish uskunalaridan to‘g‘ri foydalanish, gaz hamda yong‘in bilan bog‘liq holatlarning oldini olish masalalariga alohida e’tibor qaratildi.
Shuningdek, mas’ul tashkilotlarga aniq vazifalar yuklatilib, “Xavfsiz xonadon oyligi” tadbirlarini joylarda uyushqoqlik bilan, uzluksiz va talofatlarsiz o‘tkazish yuzasidan tegishli ko‘rsatmalar berildi.
