Muzrabot tumanida Konstitutsiyamiz qabul qilinganining 33 yilligi munosabati bilan yoshlar uchun unutilmas tadbir tashkil etildi. Tuman IIB Migratsiya va fuqarolikni rasmiylashtirish bo‘linmasi boshlig‘i Maqsud Rahmonov tomonidan 16 yoshga to‘lgan 4 nafar yoshga ilk shaxsni tasdiqlovchi hujjat — ID kartalari tantanali ravishda topshirildi.
Mazkur tadbir nafaqat muhim hujjatlarni rasmiylashtirish jarayoni, balki yoshlar hayotidagi esda qolarli daqiqalardan biriga aylandi.
“Konstitutsiyamizning 33 yilligi arafasida ID kartasini qo‘lga kiritish biz uchun juda quvonchli va unutilmas voqea bo‘ldi”, — deydi yoshlar.
Tadbir yoshlarning huquqiy ongini oshirish, ularda fuqarolik masʼuliyatini mustahkamlashga ham xizmat qildi.
