Bandixon tumanidagi maktabgacha ta’lim tashkilotlarida yozgi sog‘lomlashtirish mavsumi bolalar uchun nafaqat quvonchli dam olish, balki jismoniy va ma’naviy rivojlanishning muhim bosqichiga aylangan. Ochiq havodagi ijodiy mashg‘ulotlar, harakatli o‘yinlar, ertakli teatrlashtirilgan sahnalar va sog‘lom ovqatlanish – bolajonlar uchun har bir kunni bayramga aylantirmoqda.
Bandixon tumanidagi 3-sonli DMTTda “Dolzarb 90 kunlik” loyihasi hamda “Yozgi sog’lomlashtirish” oyligi doirasida maktabgacha ta’lim sifatini yanada oshirish, tarbiyaviy ishlarni boyitish maqsadida bog‘chalar o‘rtasida seminar-trening tashkil etildi. Seminarda tarbiyachilar eng yaxshi metodikalar, yangi yondashuvlar, faol o‘yin usullari bilan o‘rtoqlashmoqda.
Bunday seminarlar maktabgacha ta’lim tashkilotlari o‘rtasidagi hamkorlikni kuchaytirib, har bir muassasa faoliyatida sifatli o‘zgarishlarga zamin yaratmoqda.
