Prezidentimizning tegishli qaroriga asosan tajriba-sinov tariqasida, bosqichma-bosqich respublikaning 7 ta hududida 3 yoshdan 18 yoshgacha nogironligi bo‘lgan bolalar uchun davlat-xususiy sheriklik asosida kunduzgi parvarish xizmati tashkil etilishi belgilangan.
Ijtimoiy himoya milliy agentligi viloyat boshqarmasi va tadbirkor o‘rtasida bitim imzolanib, Uzun tumani “Bahoriston” mahallasida davlat-xususiy sheriklik asosida kunduzgi parvarish xizmati yo‘lga qo‘yildi. Bunda nogironligi bo‘lgan bolalar qamrab olinadi va ijtimoiy, reabilitatsion va boshqa turdagi xizmatlar ko‘rsatiladi.
Natijada ishlash istagi bo‘lsa-da, uyda nogironligi bo‘lgan farzandi bilan band bo‘lib, sevimli kasbi bilan shug‘ullana olmagan fuqarolar uchun ishlash imkoniyati yaratildi.
