Yoshlarni bo‘sh vaqtlarini mazmunli o‘tkazish va sportga bo‘lgan qiziqishlarini qo‘llab-quvvatlash o‘z natijalarini ko‘rsatmoqda. DXX kubogi uchun tashkil etilgan futbol musobaqasida Boysun tumanidagi Dashtig‘oz mahallasi qizlari nafaqat tuman, balki viloyat bosqichida ham faxrli birinchi o‘rinni egalladi. Ularning bu yutug‘i e’tiborsiz qolmadi.
Mahalla yoshlariga sport bilan shug‘ullanish uchun yanada qulay shart-sharoitlar yaratish maqsadida sun’iy qoplamali zamonaviy sport maydoni barpo etilib, tantanali tarzda foydalanishga topshirildi. Tadbirda mahalla faollari, faxriylar, nuroniylar, yoshlar hamda keng jamoatchilik vakillari ishtirok etdi. Ushbu sport maydoni yoshlar uchun nafaqat jismoniy tarbiya, balki sog‘lom muhitda ulg‘ayish, bo‘sh vaqtni samarali o‘tkazish maydoniga ham aylandi.
