Uzun tumanida “Faol hayotga qadam” dasturi doirasida yangi, zamonaviy yondashuv asosidagi ijtimoiy xizmatlar joriy etildi. Mazkur dastur asosida 18 yoshdan katta bo‘lgan, mustaqil hayot kechirish imkoniyati cheklangan fuqarolarga e’tibor va g‘amxo‘rlik ko‘rsatiladi.
“Faol hayotga qadam” dasturining yo‘lga qo‘yilishi – aholining ijtimoiy zaif qatlamiga amaliy yordam ko‘rsatish, ularning hayot sifatini oshirishga qaratilgan muhim ijtimoiy tashabbusdir. Ayniqsa, parvarishga muhtoj insonlarga uy sharoitida yordam ko‘rsatish orqali ularning oilaviy muhitda, yaqinlari bag‘rida qolishiga sharoit yaratilmoqda.
