Mehnat qadrlansa, yurak quvnaydi

Jarqo‘rg‘on tumanidagi 2-son politexnikumida tashkil etilgan tadbirda 11 nafar fidoyi ustoz va xodimlar — o‘z kasbiga sadoqat bilan yondashgani, yoshlarni vatanparvarlik ruhida tarbiyalash, tinimsiz xizmatlari bilan boshqalarga namuna bo‘lgani uchun faxriy medallar bilan taqdirlandilar.
Pedagog xodimlar koʻksini — “Yoshlarni vatanparvarlik ruhida tarbiyalash”, “Vafo va sadoqat” kabi medallari bezadi.
Taqdirlanganlar ko‘zlaridagi quvonch, g‘urur va minnatdorlikni soʻz bilan ifodalash qiyin. Ha, mehnat qadrlangan joyda chin insoniylik namoyon bo‘ladi.
Taqdirlash marosimi tantanali tarzda o‘tkazilib, medallarni Oliy ta’lim, fan va innovatsiyalar vazirligining mas’ul xodimi Ismoil Eshmatov hamda hududiy boshqarma vakillari topshirdi.