Angor tumanidagi “Qoraqir” mahallasida joylashgan 21-sonli umumiy o‘rta ta’lim maktabida aholi uchun “Kinokarvon” loyihasi doirasida navbatdagi ma’naviy-ma’rifiy tadbir bo‘lib o‘tdi.
Tadbirda nuroniylar, yoshlar va mahalla faollari ishtirok etdi. Ishtirokchilar yozuvchi Javlon Jovliyevning “Qo‘rqma” asari asosida suratga olingan qisqa metrajli filmni tomosha qilishdi. Filmda xorijda tahsil olgan fidoyi ajdodlarimizning matonatli hayot yo‘li yorqin tasvirlangan.
Bunday tadbirlar yoshlarda Vatanga sadoqat, tariximizga hurmat va milliy qadriyatlarimizga mehr tuyg‘ularini mustahkamlashga xizmat qiladi.
