Tashabbus odatga aylanadi

Sog‘lom turmush tarzini targ‘ib qilish maqsadida erta tongdan yugurish, badantarbiya qilish tavsiya etiladi. Natija bo‘lishi uchun faqat tavsiyaning o‘zi kamlik qiladi. Buni yaxshi bilgan Termiz davlat universiteti rektori talabalar bilan birga universitet stadionida badantarbiya mashg‘ulotlarini bajardilar.
Turgan gapki, har kuni takrorlanadigan bunday tashabbusga qatnashuvchilar safi kengayib boradi va yoshlar hamda pedagoglar uchun bu ertalabgi odatga aylanadi. TTJlarida istiqomat qilayotgan talabalar hamda mahalladagi yoshlar yengil yugurishdan so‘ng, tanani chiniqtiradigan, mushaklar uchun foydali bo‘lgan mashqlarni bajarishdi.
Yurtimiz bo‘ylab davom etayotgan sport oyligi doirasida ortiqcha vaznni yo‘qotish bo‘yicha amaliy harakat boshlandi. Har bir mas’ulning vazni o‘lchandi va kompleks reja asosida mashg‘ulotlarga jalb etiladigan bo‘ldi.