San’atimiz Taxiyatoshda namoyon

Qoraqalpog‘iston Respublikasi Taxiyatosh tumani Surxondaryo viloyatiga biriktirilganidan, o‘tgan yillar davomida voha tajribasi Taxiatoshga keng ommalashtirilganidan xabaringiz bor. Kechagi Taxiatosh bilan bugungisining tubdan farqi borligi esa surxondaryolik tadbirkor-u ishbilarmonlarning, fermer-u dehqonlarning, ko‘plab soha vakillarining sa’y-harakati, xizmati bilan amalga oshdi.
Ha, surxondaryoliklar taxiatoshliklarga nafaqat iqtisodiy, ijtimoiy, balki ma’naviy jihatdan ham motivatsiya berish maqsadida Termiz shahar madaniyat bo‘limi qoshidagi “Janub sadolari” folklor-etnografik jamoasi ayni kunlarda Qoraqalpog‘iston Respublikasi Taxiyatosh tumanida bo‘lib turibdilar.
Ular “Surxon madaniyat kunlari” doirasida o‘z konsert dasturlarini namoyish etishayotir.