Nuroniylarimiz sayohatda

Prezidentimiz raisligida joriy yilning 9-aprel kuni hududlarning turizm salohiyatini yanada oshirish hamda xorijiy hamkorlar bilan amalga oshirilayotgan sarmoya loyihalarini jadallashtirish yuzasidan o‘tkazilgan videoselektor yig‘ilishida O‘zbekistonda har oyning bitta shanba va yakshanbasi – “oila va mehnat jamoasi bilan sayohatga chiqish” kuni, deb e’lon qilingan edi.
Shunga muvofiq,  ichki turizmni rivojlantirish dasturi ishlab chiqilib, mehnat jamoalari, nuroniylar bilan mamlakatimiz bo‘ylab sayohat uyushtirish rejalashtirib olingan. Ijtimoiy himoya milliy agentligi Surxondaryo viloyati boshqarmasi tashabbusi bilan ijtimoiy himoyaga  muhtoj va yakka yolg‘iz nuroniylardan iborat 46 nafar fuqaro Buxoro va Samarqand viloyatlariga sayohat qilishdi.