Termiz shahridagi 26-sonli umumta’lim maktabida Tataristonning “Alabuga” erkin iqtisodiy zonasiga qarashli “Alabuga politex” texnikumida o‘qish istagida bo‘lgan maktab o‘quvchilarini yakuniy saralash bosqichi bo‘lib o‘tdi.
Unda Qoraqalpog‘iston Respublikasi, Surxondaryo, Xorazm, Namangan, Buxoro, Samarqand viloyatlari va Toshkent shahridan jami 24 nafar o‘quvchilar ishtirok etdi.
O‘g‘il-qizlar tadbirkorlik va moliyaviy savodxonlikni oshirishga asoslangan “Business cats” o‘yinida o‘z bilimlarini sinovdan o‘tkazishdi.Mazkur o‘yinda yuqori natijani qayd etgan va rus tili imtihonidan muvaffaqiyatli o‘tgan o‘quvchilar “Alabuga politex” texnikumiga o‘qishga qabul qilinadi.
